Published: 19 June 2014
Hits: 203

Grote Marico-Erfenisbewarings gebied Mei2018

Grote Marico-Erfenisbewarings gebied Mei2018

Op Vrydag,  die 20ste April 2018, kom heelwat belangstellendes van Swartruggens, Koster, Derby, Boons, Marico en Zeerust bymekaar  in die privaat museum van mnr Martin Stols van Swartruggens.Die doel van die byeenkoms was die stigting van ‘n Geskiedenis – Bewaringskomitee vir genoemde gebiede.

Me Riana Mulder, verbonde aan die ERFENISBEWARINGS-BEWUSMAKINSPROJEK ( EBB) wat sorteer onder die VOORTREKKER MONUMENT , is die spreker van die oggend. Sy vertel op ‘n insiggewende  manier van die doelwitte van die oorhoofse vereniging en van vele takke wat reeds landswyd gestig is.

Die vergadering besluit dat die dorpe en omgewing van die Groter Marico distrik, waar, terloops, vele veldslae en skermutselings plaasgevind het gedurende die 2de Vryheidsoorlog,  ook ‘n tak gaan stig.( Dit is gedoen, en die naam is soos in die opskrif.)

 Heelwat van die belangstellendes teenwoordig lewer professionele insette oor verskillende aspekte van bewaring.

*Die gebiede Boons, Derby, Moedwil en Koster stig ‘n eie sy-tak onder die Groter Marico een. Die voorsitter is Me Madelé Heymans.( tel 014 5432 545) en die sekretaresse is me Stella Potgieter (  084 991 4303)

* Swartruggens se voorsitter is mnr. Martin Stols( tel 0825568861) en die sekretaresse is me Hannelie Husemeyer (tel  0829401957)

*Zeerust se voorsitter is ds. Stephan Botha,( tel 083743507)

Read more: Grote Marico-Erfenisbewarings gebied Mei2018
 
Published: 06 June 2018
Hits: 62

 
Published: 06 June 2018
Hits: 92
 
Published: 09 June 2015
Hits: 104

 

Krav Maga Selfverdediging Taktiese Opleiding

Ek was deel van die groep wat die selfverdediging opleiding ontvang het die naweek, 2-3 Junie te Koster wat aangebeid was deur Krav Maga - Tactical Unit.     My verwagtinge is by verre oortref.   Wat my die meeste beïndruk was die uitmuntende en professionele manier waarop die kursus aangebied was.

My persoonlike ondervinding was soos volg.  Ek hoop ek is een van die min vrouens wat nié geweet het  hoe om ‘n wapen reg te hanteer nie.  ‘n Vrees het my beetgepak as ek moet dink ek moet die ding vashou.    Ek erken dat as iemand my enige iets probeer verduidelik het, het ek dit so  gou moontlik uit my brein blokkeer, oor vrees.  Na deeglike praktiese opleiding is ek na hierdie naweek heeltemal vertroud, ek kan ‘n pistool oorlaai onder druk afvuur en weer herlaai, m.a.w. ons is selfs blootgestel om dit onder druk te kan doen.  En ja, ek het selfs die behoefte ontwikkel om dit verder te bemeester, om skietlesse te neem om myself meer vertroud en veilig te maak.

As jy ooit weer so geleentheid kry wat deur Krav Maga - Tactical Unit aangebied word kan jy dit nie misloop nie.  Ons het reeds ons opvolg bespreek (wat binne die volgende 2 maande gaan plaasvind) waar ons  meer intense en gevorderde opleiding gaan ontvang.   Dit is ook ‘n denkwyse om wakker en paraat te wees.  Jy moet wys wie is in beheer.  Selfs met hierdie taktiek kan jy baie baatvind in jou alledaagse lewe.

Basiese taktieke (skills) word herhaal en ingeoefen.  So kan jy jouself verdedig as jy met ‘n mes of panga aangeval word.  Ek glo nie daar is een kandidaat wat nie ‘n hele paar blou kolle opgedoen het na die naweek se verdediging en stoeiery op die gras en grond nie.  “Get over it”.  Ons moet bietjie ons “survival skills” opskerp.  In totaal van Saterdag tot Sondag middag 2 uur was ons ‘n volle 18 uur besig met opleiding.  (in combat)

Die daaglikse feite van misdaad en omstandighede laat iederelk van ons geen keuse. Behalwe landweie daaglike plaasaanvalle, inbrake in woongebiede, het die misdaad op die Bult  in Potchefstroom so vermeerder, daar  word weekliks mans en dames aangeval.  Die Puk is besig in samewerking met polisie met ‘n ekstra veiligheid eenheid daar. 

Dankie aan Krav Maga - Tactical Unit, Glenn Mortelmans en jou span.   Die manier hoe jul die opleiding aanbied is finominaal.  Ek kan dit  aanbeveel en  hoop hierdie artikel bereik die mense wat dit so nodig het. 

Ek moet wonder hoekom het so min mense gereageer op die advertensie.   Is ons Afrikaner nasie onder die indruk hulle het dit nie nodig nie, dit gaan nie met hulle gebeur nie, of …. wat gaan dit help?  Het ons klaar oorgegee? – of is dit maar  soos hul sê:  mens sal altyd eers wakker skrik as dit te laat is?   Nee dames en here! Jul kan nie daarvoor wag of oorgee sonder ‘n geveg nie.

Glenn Mortelmans, van Krav Defence Systems, is al 17 jaar aktief besig met Krav Maga. Hy het sy opleiding ontvang in onder andere Israel, Poland en Engeland. Hy word as een van die top instrukteurs ter wêreld gesien, hy is ’n Krav Maga Expert III en gekwalifiseer as Instrukteur by vyf verskillende instansies wêreldwyd.   Hy is onder andere gekwalifiseer as instrukteur in die volgende:

SWAT AntiterrorCombat Shooting - VIP - Close Protection Operative - Militêre Krav Maga - Karambit en Knife fighting - Restraint and Control.  Glenn is ook geakrediteer by, en werk nou saam met die Poolse weermag, PASSA opleidings instansie in Poland, en die European Security Center

Sy opleiding wat hy bied aan ons mense is onder meer SWAT, Anti-terreur, wapens, hand tot hand, mes kuns en verdediging, kinder opleiding, VIP en CQC en civilian self defense, Arrestasie, Voertuig en gebou penetrering en meer. Kontak nommer vi Glenn Mortelmans is:    076 360 2717

Met dit sluit ek af:

“We are responsible for what we are, and whatever we wish ourselves to be, we have the power to make ourselves”

A proverb in Sanskrit ever said “It is a coward and a fool to say:  “THIS IS FATE. But a strong and wise man will say, “I WILL MAKE MY FATE”.

 

https://www.youtube.com/channel/UCMD_k2IDOQpGU4D8OMyHXVQ

 
Published: 09 June 2015
Hits: 150

Probleme met Voorafbetaalde (PRE-PAID) Elektrisiteitsmeters.

Na ‘n baie ongelukkige voorval met die munisipaal- gekontrakteerde kragvoorsiener se defektiewe elektriesiteits voorsiening  aan my huis, het dit my ore bereik dat ons nie die enigste inwoners is wat dit al oorgekom het nie. Op die 10 de April hierdie jaar, het ‘n foutiewe toevloei van elektriese krag in ons driefase kragsisteem  die een fase se krag na die ander twee fases gestuur ( ‘n ‘power surge”)wat  die uitbranding van verskeie van my elektriese apparaat veroorsaak het. Die Munisipale elektrisiëns  het, na hulle inspeksie , dadelik die Pre-Paid maatskappy se kragmeter  verwyder en bevestig dat dié  pre paid meter foutief is.

  Gelukkig was hier ‘n gekwalifiseerde elektrisiën byderhand op my erf wat dadelik  saam met die twee munisipale  tegnikuste die meter se onderskeie stroomlewering per fases kon meet. Die een fase het nul gemeet, die tweede fase,  410 volt, die derde fase het  380volt gemeet.

Die totale skade as gevolg van die  foutiewe kragmeter, kom te staan op nagenoeg R10000.00. Die apparate moes inderhaas vervang word uit ons eie sak. Twee dringende e-posse aan die betrokke maatskappy wat die kragmeters installeer, het geen reaksie  opgelewer nie.

Na herhaalde  telefoniese  en e-pos versoeke, is die aangekoopte krageenhede na 4 dae eers terug geplaas op die nuut-geïnstalleerde meter.  (Die installeerders het  beloof om dadelik die krag op te laai)

Ek rig nou ‘n versoek aan alle persone met wie so-iets in die verlede plaasgevind het. Stuur asseblief u naam en telefoonnommers aan my. Ons sal ‘n aksie moet begin teen die maatskappy wat die foutiewe  meters geïnstalleer het en dan hulle hande in onskuld was!

Madelé Heymans. Koster.

Tel. 014 5432 545.

 

 

Page 1 of 2

Directory

Featured